اسلام آباد ایم او یو پر عملدرآمد کیلئے امریکا اور ایران کے درمیان سوئٹزرلینڈ کے سیاحتی ریزورٹ برگن اسٹاک میں مذاکرات کا دوسرا دور جاری ہے۔
ایرانی میڈیا کے مطابق امریکی صدر دھمکی آمیز بیانات پر ایرانی وفد نے شدید احتجاج کیا، ایرانی وفد نے امریکی فریق کے سامنے باضابطہ احتجاج درج کرایا ہے۔
رپورٹ کے مطابق چار فریقی مذاکرات کے بعد ایرانی اور قطری وفود کے درمیان مذاکرات ہوئے، صدر ٹرمپ کی حالیہ دھمکیوں کے بعد ایران مختلف آپشنز پر غور کررہا ہے۔
دوسری جانب امریکی ٹی وی سی این این نے سفارتی ذرائع سے دعویٰ کیا ہے کہ مذاکرات کے پہلے راؤنڈ میں لبنان، آبنائے ہرمز اور ایرانی جوہری ذخائر پر بات ہوئی، مذاکرات میں 60 روزہ مذاکراتی دور کی ساخت پر بھی بات چیت ہوئی، فریقین کے درمیان واضح اور صاف گوئی کی ساتھ تبالہ خیال ہوا۔
