مظفرآباد ہیلی کاپٹر حادثے کے شہدا کی نماز جنازہ چکلالہ گیریژن راولپنڈی میں ادا کردی گئی۔ وزیراعظم شہباز شریف اور فیلڈ مارشل عاصم منیر سمیت اہم شخصیات نے شرکت کی ، دومسیحی شہداء کی آخری رسومات راولپنڈی کے کرائسٹ چرچ میں ادا کی گئیں ۔ تمام شہداء کو آبائی علاقوں میں مکمل فوجی اعزاز کے ساتھ سپردِ خاک کیا جائے گا۔
آئی ایس پی آر کے مطابق مظفرآباد حادثے میں شہید ہونے والوں کی نماز جنازہ چکلالہ گیریژن راولپنڈی میں ادا کی گئی ، وزیراعظم شہباز شریف، فیلڈ مارشل عاصم منیر اور دیگر اہم شخصیات نماز جنازہ میں موجود تھیں۔ دو مسیحی شہداء کی آخری رسومات راولپنڈی کے کرائسٹ چرچ میں ادا کی گئیں۔ سیاسی وعسکری قیادت نے مسیحی شہداء کی آخری رسومات میں بھی شرکت کی۔ وزیراعظم نے شہداء کی پیشہ وارانہ صلاحیتوں اور فرض شناسی کو خراجِ عقیدت پیش کرتے ہوئے کہا کہ شہداء کی قربانیاں آنے والی نسلوں کیلئے مشعلِ راہ ہیں۔
قوم شہداء کے اہلِ خانہ کے ساتھ کھڑی ہے۔ آئی ایس پی آر کے مطابق تمام شہداء کو آبائی علاقوں میں مکمل فوجی اعزاز کے ساتھ سپردِ خاک کیاجائےگا۔
