رکن پنجاب اسمبلی ثاقب چدھڑ نے دعویٰ کیاہے کہ اداکارہ مومنہ اقبال کے کہنے پر اسکی بہن کی یونیورسٹی فیس کیلئے 13 ہزار آسٹریلین ڈالر بھجوائے ۔
تفصیلات کے مطابق ثاقب چدھڑ نے کہا کہ مومنہ اقبال سے 2020 میں ملاقات ہوئی، جلد قریبی تعلقات قائم ہو گئے، مومنہ اقبال کے ساتھ اندرون وبیرون ملک متعدد سفر کیے، تمام اخراجات خود برداشت کیے، مومنہ اقبال اور اہلخانہ نے سابقہ شادی اور طلاق کی معلومات چھپائیں، علم ہونے پر شادی سے انکار کیا، اگست، 2025 میں مومنہ اقبال سے تعلقات ختم کر دئیے، مومنہ اقبال کی بہن رمشا اقبال نے بلیک میلنگ کے ذریعے 10 ہزار آسٹریلین ڈالر وصول کئے، رمشا اقبال کی یونیورسٹی فیس13 ہزار آسٹریلین ڈالر ادا کی، مومنہ اقبال کے اکاؤنٹ میں مختلف اوقات میں 83 لاکھ روپے منتقل کیے، مومنہ اقبال کے موبائل میں بہت سی تصاویراور ویڈیوز موجود ہیں، مشکوک افراد نےویڈیوز اورتصاویر وائرل کرنے کی دھمکیاں دیں۔
انہوں نے کہا کہ مومنہ اقبال اور رمشا اقبال کو تصاویر و ویڈیوز شیئر کرنے سے روکنے کا کہا،مومنہ اقبال میری بیوی کو طلاق لینے پر اکساتی رہی، مومنہ اقبال کو میرے شادی شدہ ہونے کا مکمل علم تھا، سی ڈی آر ریکارڈبھی موجود ہے، این سی سی آئی اے اور پولیس کو دی گئی درخواست میں تضادات اور غلط بیانی موجود ہے، مومنہ اقبال کے منگیتر حمزہ نے جان سے مارنے کی دھمکیاں دیں، چنیوٹ میں ایف آئی آر درج ہے،مومنہ اقبال کی درخواست جھوٹی، بے بنیاد ہے۔
