کویتی سول ایوی ایشن نے کویت ایئرپورٹ پر تمام پروازیں اگلے حکم تک معطل کر دیں۔
اعلامیے کے مطابق ایرانی ڈرونز اور میزائلوں نے ایئرپورٹ کے ایک ٹرمینل کو نشانہ بنایا، ایئرپورٹ پر حملے کے نتیجے میں متعدد افراد زخمی ہوئے۔
ترجمان کویتی فوج کے مطابق ملکی سیکورٹی صورتحال پر گہری نظر ہے، ملکی سلامتی کے لیے تمام ضروری اقدامات کریں گے۔
واضح رہے کہ امریکا اور ایران نے رات بھر ایک دوسرے کے فوجی اہداف پر حملے کیے ہیں۔ ترجمان پاسداران انقلاب کے مطابق امریکی افواج نے آبنائے ہرمز کے قریب ایرانی آئل ٹینکر کو نشانہ بنایا، امریکی حملے میں جہاز کے انجن روم کو نقصان پہنچا۔ جواب میں امریکی، اسرائیلی جہاز پر بحری میزائلوں سےحملہ کیا گیا۔
امریکی افواج نے جزیرہ قشم میں آئی آرجی سی کے مواصلاتی ٹاور کو نشانہ بنایا، جواب میں ایران نے ففتھ فلیٹ ہیڈکوارٹر،ہیلی کاپٹرز کو نشانہ بنایا۔
