خیبرپختونخوا میں گزشتہ 24 گھنٹوں کے دوران طوفانی ہواؤں اور بارشوں کے باعث مختلف حادثات میں دو افراد جاں بحق جبکہ 29 زخمی ہوگئے۔
پی ڈی ایم اے نے خیبرپختونخوا میں 24 گھنٹوں کےدوران طوفانی ہواؤں اوربارش سے نقصانات کی رپورٹ جاری کردی، حکام کے مطابق مزید نقصانات کے خدشات، تفصیلات جمع کی جارہی ہیں۔
رپورٹ کے مطابق حادثات میں 2 افرادجاں بحق جبکہ 7 بچوں اور 7 خواتین سمیت 29 افراد زخمی ہوگئے۔ حکام کے مطابق بنوں میں چھتیں اور دیواریں گرنے سے ایک شخص جاں بحق،28 زخمی ہوئے ہوئے، زخمیوں میں 7 بچے اور 7 خواتین بھی شامل ہیں۔
پشاور میں آسمانی بجلی گرنے سے ایک شخص جاں بحق ہوا جبکہ نوشہرہ میں الیکٹرک پول گرنے سے ایک شخص زخمی ہوگیا۔
