ایرانی پارلیمنٹ کی نیشنل سیکیورٹی کمیٹی کے سربراہ ابراہیم عزیزی کا کہنا ہے کہ ایران اپنا افزودہ یورینیم کسی تیسرے ملک کے حوالے کرنے کا ارادہ نہیں رکھتا۔
روسی میڈیا سے گفتگو میں ابراہیم عزیزی نے کہا کہ امریکا مذاکرات میں ہمیشہ ایک ناقابل اعتبار فریق رہا ہے۔ امریکا نے اپنا رویہ تبدیل نہ کیا تو معاہدے تک پہنچنا مشکل ہے۔ کہا آبنائے ہرمزکے انتظام کیلئے طویل مدتی منصوبے پر کام کررہے ہیں۔
دوسری جانب ایران کے سپریم نیشنل سیکیورٹی کونسل کے نائب سربراہ علی باقری نے کہا کہ ایران اپنی خودمختاری پر حملے کوبرداشت نہیں کرے گا۔ آبنائے ہرمز کو ایران کی قومی سلامتی کیلئے خطرہ بننے سے روکنا ہوگا۔
