ٹیکسلا میں جی روڈ کےقریب سےنامعلوم شخص کی لاش ملی ہے۔ راولپنڈی میں بھی نالےسے ایک لاش برآمد کر لی گئی۔
پولیس کے مطابق تھانہ ٹیکسلا کےعلاقے میں جی روڈ کےقریب سےنامعلوم شخص کی لاش ملی ہے۔ لاش پرکسی قسم کے تشدد یا زخم کےنشانات موجود نہیں تھے۔ لاش کو اسپتال منتقل کردیا گیا۔
دوسری طرف راولپنڈی میں تھانہ نصیر آباد کےعلاقےمیں بھیں نالےسےلاش برآمد ہوئی۔ شناخت چھبیس سالہ ثاقب کےنام سے ہوئی، لاش اسپتال منتقل کردی گئی ہے۔
راولپنڈی میں صادق آباد پولیس نے شہری پرتشدد کرنے اور ویڈیو بنانے والے تین ملزمان گرفتار کرلیے۔پولیس کے مطابق گرفتار ملزمان میں ابراہیم، حارث اور عبد الرحمن شامل ہیں۔ تینوں ملزمان نے شہری پر تشدد کیا اوروڈیو بھی بناتے رہے تھے ۔ تھانہ صادق آباد پولیس نے مقدمہ درج کر کے ملزمان سے تفتیش شروع کر دی ہے۔
