ایرانی پاسداران انقلاب گارڈز نے امریکی ایم کیو نائن ڈرون مار گرایا۔ امریکی ایف تھڑی فائیو فائٹر جیٹ پر فائرنگ بھی کی۔
ترجمان ایرانی فوج نے امریکی فوج کی طرف سے جنگ بندی کی کسی بھی خلاف ورزی کے خلاف خبردار کیا اور کہا امریکا کی جنگ بندی کی خلاف ورزی کے جواب کے حق کو جائز اور حتمی سمجھتے ہیں۔
قبل ازیں امریکی سینٹرل کمان(سینٹ کام) کا کہنا ہے کہ جنوبی ایران میں فضائی حملے کیے گئے ہیں جس میں ڈرون لانچنگ تنصیبات کو نشانہ بنایا گیا۔
امریکی سینٹرل کمان نے جنوبی ایران میں فضائی حملے کیے،امریکی فورسز نے ایران کے ڈرون لانچنگ تنصیبات کو نشانہ بنایا،بارودی سرنگین بچھانے والی ایرانی کشتیوں کو بھی نشانہ بنایا گیا۔
سینٹ کام کا کہنا ہے کہ امریکی فوج جاری جنگ بندی کے دوران تحمل کا مظاہرہ کرتے ہوئے امریکی افواج کا دفاع کرے گی،بندرعباس میں صورتحال کنٹرول میں ہے اور تشویش کی کوئی بات نہیں ہے۔
