274 کوہ پیماؤں نے ایک ساتھ دنیا کی بلند ترین چوٹی ماؤنٹ ایورسٹ سرکرنے کا ریکارڈ بنالیا۔
چین کا راستہ بند ہونے پر تمام کوہ پیما نیپالی روٹ سے ماؤنٹ ایورسٹ کی چوٹی پر پہنچے، نیپال نے ایورسٹ پر چڑھائی کیلئے سخت قوانین اور فیسوں میں اضافے کا اعلان کردیا۔ اس سے قبل 2019 میں 223 کوہ پیماؤں نے ایک دن میں ماؤنٹ ایورسٹ کو سر کیا تھا۔
پاکستانی کوہ پیما سلمان عتیق نے بھی دنیا کی بلند ترین چوٹی ماؤنٹ ایورسٹ سر کرلی، سلمان عتیق نے ماؤنٹ ایورسٹ پر پاکستان کا سبز ہلالی پرچم لہرا کر پوری قوم کا سر فخر سے بلند کر دیا۔
نیپال حکومت کی جانب سے اس سال جاری کردہ 464 پرمٹس میں سلمان عتیق واحد پاکستانی تھے۔
