فیصل آباد، گٹ والا کے علاقے میں گھر میں جھلسنے والی خاتون اسپتال میں دم توڑ گئی، جبکہ پولیس نے خاتون کے شوہر کو گرفتار کرلیا۔
پولیس کے مطابق جاں بحق خاتون ثمینہ کو تشویشناک حالت میں اسپتال منتقل کیا گیا تھا جہاں وہ دورانِ علاج جانبر نہ ہوسکی۔
اہلخانہ کا الزام ہے کہ گزشتہ روز گھریلو جھگڑے کے دوران شوہر جاوید نے ثمینہ کو آگ لگا دی۔ اہلخانہ کے مطابق دونوں کی شادی تین سال قبل ہوئی تھی اور میاں بیوی کے درمیان اکثر جھگڑا رہتا تھا۔
پولیس نے مقدمہ درج کرکے ملزم جاوید کو گرفتار کرلیا ہے جبکہ واقعے کی مزید تفتیش جاری ہے۔پولیس کے مطابق خاتون کی لاش پوسٹ مارٹم کیلئے الائیڈ ہسپتال منتقل کردی گئی ہے۔
