امریکی سینٹرل کمانڈ سینٹکام کے سربراہ ایڈمرل بریڈ کوپر نے امریکی سینیٹ کی کمیٹی کو بریفنگ دیتے ہوئے پاکستان کو دہشتگردی کے خلاف جنگ میں ایک اہم اور قابل اعتماد شراکت دار قرار دیا ہے۔
ایڈمرل بریڈ کوپر کےمطابق پاکستان خطےمیں داعش خراسان کےخلاف جنگ میں کلیدی کردار ادا کر رہا ہے، جبکہ اسلام آباد کے ساتھ مضبوط فوجی شراکت داری کےنتیجےمیں دہشتگردوں کے خلاف ٹھوس نتائج حاصل ہوئے ہیں،یہ باہمی کامیابیاں پاکستان اور امریکا کی دیرینہ دوستی اور مشترکہ عزم کا براہ راست عکس ہیں۔
سربراہ سینٹکام نے افغانستان کی صورتحال پربھی تشویش کااظہارکرتے ہوئےکہا کہ وسطی ایشیائی شراکت دار بھی افغان طالبان کےزیراثر افغانستان سے پنپتی دہشتگردی کے خطرات پر محتاط نظر رکھے ہوئے ہیں۔
ایڈمرل بریڈ کوپر کےمطابق دہشتگردانہ سرگرمیوں اورعلاقائی سیکیورٹی خطرات کے باعث افغانستان بدستورواشنگٹن کی توجہ کامرکزہے،جبکہ افغان سرزمین پردہشتگردوں کی مسلسل موجودگی کی وجہ سے افغانستان امریکی نگرانی کی فہرست میں پہلے نمبر پر موجود ہے۔
عالمی ماہرین کےمطابق امریکی کمانڈرکا بیان خطےمیں دہشتگردی کیخلاف جنگ میں پاکستان کی قربانیوں، آپریشنل مہارت اورسٹریٹجک اہمیت کی ایک اوربین الاقوامی توثیق کا ثبوت ہے
عالمی ماہرین کاکہنا ہےکہ امریکی کمانڈرکا بیان خطے میں دہشتگردی کیخلاف جنگ میں پاکستان کی قربانیوں،آپریشنل مہارت اورسٹریٹجک اہمیت کی ایک اوربین الاقوامی توثیق کا ثبوت ہےاایڈمرل کوپر کےجائزےنےدہشتگردی کیخلاف پاکستان کےکردارکی ساکھ کومضبوط اورقابض افغان طالبان کے زیر اثر پنپنے والی دہشتگردی کے نیٹ ورکس کوبےنقاب کردیاہے۔
پاکستان کوایک اہم انسداددہشتگردی شراکت دارقراردیکرامریکا نےعالمی سطح پردہشتگردی کیخلاف جنگ میں پاکستان کےہراول دستےکےکردارکوتسلیم کیاہے،سینٹکام کایہ جائزہ پاکستان کےاس دیرینہ موقف کی توثیق کرتا ہےکہ افغان طالبان کےزیراثرافغانستان میں دہشتگردوں کی محفوظ پناہ گاہیں علاقائی امن واستحکام کیلئےمستقل خطرہ ہیں۔
