پنجاب بھر میں گزشتہ 24 گھنٹوں کے دوران بارش اور تیز آندھی کے باعث مختلف حادثات پیش آئے، جن میں 3 افراد جاں بحق جبکہ 24 زخمی ہوگئے۔
ریسکیو حکام کےمطابق لاہورمیں درخت،شیڈ اوربل بورڈگرنے کے 6 مختلف واقعات پیش آئے،جن میں 2 افراد جاں بحق اور 6 زخمی ہوئے،فیصل آبادمیں دیواریں،چھتیں اوردرخت گرنے کے 7 مختلف حادثات میں ایک بچہ جاں بحق جبکہ 9 افراد زخمی ہوگئے۔
ریسکیو کےمطابق ڈی جی خان میں دومختلف واقعات کےدوران آسمانی بجلی گرنے سے 3 افراد زخمی ہوئے، مظفر گڑھ میں درخت،سولرپینل اوردیواریں گرنے کے 4 مختلف واقعات میں 4 افراد زخمی ہوئے۔
ریسکیوحکام کاکہنا ہےکہ تمام زخمیوں کو فوری طبی امدادفراہم کرنے کےبعد قریبی اسپتالوں میں منتقل کردیاگیا،جبکہ مختلف علاقوں میں امدادی کارروائیاں جاری ہیں۔
