نائب وزیراعظم اور وزیرخارجہ اسحاق ڈار نے سعودی وزیر خارجہ شہزادہ فیصل بن فرحان سے ٹیلی فونک رابطہ کیا جس دوران سعودی وزیرخارجہ نےعلاقائی امن و استحکام کیلئے پاکستان کے تعمیری کردار کو سراہا۔
ترجمان دفتر خارجہ کے مطابق نائب وزیراعظم اسحاق ڈار نے سعودی وزیرخارجہ شہزادہ فیصل بن فرحان سے ٹیلیفونک رابطہ کیا۔دونوں رہنماؤں کےدرمیان بدلتی ہوئی علاقائی صورتحال اور باہمی دلچسپی کے امور پر تبادلہ خیال ہوا۔ سعودی وزیرخارجہ نےعلاقائی امن و استحکام کیلئے پاکستان کے تعمیری کردار کوسراہا ۔ ایران اورامریکا کےدرمیان جاری سفارتکاری کیلئے پاکستانی کی کوششوں کی حمایت کا اعادہ بھی کیا۔ فریقین نے آبنائے ہرمز سمیت میری ٹائم سیکیورٹی کے تحفظ کی اہمیت پر بھی گفتگو کی۔ علاقائی اور بین الاقوامی پیشرفت پر قریبی رابطےمیں رہنے پر اتفاق کیا گیا۔
