معرکہ حق کی تاریخی کامیابی کا ایک سال مکمل ہونے پر خصوصی نغمہ جاری کر دیا گیا، وزارت اطلاعات و نشریات کا تیار کردہ خصوصی نغمہ قومی جذبے سے بھرپور ہے۔
معروف گلوکار شیراز اُپل کی آواز میں گائے گئے نغمے کے بول ’’بنیان مرصوص ، ہمیشہ تیار ہیں ہم‘‘ ہیں۔ ملی نغمے میں دس مئی کو پاکستان مونومنٹ میں منعقدہ تقریب ، صدر مملکت، وزیراعظم اور فیلڈ مارشل سمیت اعلٰی سول و عسکری حکام کے مناظر شامل ہیں۔ نغمے کی عکسبندی میں معرکہ حق کی مرکزی تقریب میں شریک عوام کے جذبات کی جھلکیاں بھی شامل ہیں۔
نغمے میں کابینہ کے ارکان اور اہم سیاسی و سماجی شخصیات کی شرکت کے مناظر بھی شامل ہیں، جبکہ مسلح افواج کے چاق و چوبند دستوں کی پریڈ کے مناظر بھی نغمے میں نمایاں انداز میں پیش کیئے گئے ہیں۔قومی یکجہتی، دفاع وطن کے عزم اور مسلح افواج کی پیشہ ورانہ صلاحیتیں بھی اجاگر کی گئیں۔
