آرمی چیف جنرل عاصم منیر کا کہنا ہے کہ ہم چیلنجز سے بخوبی آگاہ ہیں، قوم کی حمایت سے دشمنوں کے ناپاک عزائم کو ناکام بنائیں گے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل عاصم منیر نے بہاولپور کور کا دورہ کیا جہاں انہوں فیلڈ ایکسرسائز کا مشاہدہ کیا۔
ترجمان پاک فوج کے مطابق آرمی چیف جنرل عاصم منیر نے مشق میں حصہ لینے والے فوجیوں سے بات چیت کی، آرمی چیف نے تربیتی معیار، آپریشنل تیاریوں ، افسران اورجوانوں کے بلند حوصلے کو سراہا اور جوانوں کو ہدایت کی کہ ہر حال میں روایتی جوش اور جذبے کے ساتھ قوم کی خدمت کرتے رہیں۔
آئی ایس پی آر کے مطابق آرمی چیف نے کہا کہ علاقائی سالمیت، خودمختاری کے دفاع کیلئے پوری طرح تیارہیں، ہم چیلنجز سے بخوبی آگاہ ہیں، قوم کی حمایت سے دشمنوں کے ناپاک عزائم کو ناکام بنائیں گے۔
