کراچی میں میٹرک امتحانات میں بے ضابطگیوں کے معاملے پر چیئرمین میٹرک بورڈ غلام حسین سوہو نے اپنے عہدے سے استعفیٰ دے دیا۔
غلام حسین سوہو نے اپنا استعفیٰ سیکریٹری محکمہ بورڈز سندھ کو ارسال کیا،جسے اب وزیر بورڈز کے توسط سے کنٹرولنگ اتھارٹی کو بھجوایا جائے گا۔
تحقیقاتی کمیٹی نے امتحانات میں بے نظمیوں پر چیئرمین کو معطل کرنے اور ان کے خلاف اینٹی کرپشن میں مجرمانہ کارروائی کی سفارش کی تھی۔
معطلی کی صورت میں غلام حسین سوہو اپنے اصل محکمے فیڈرل بورڈ واپس نہیں جاسکتے تھے۔ اب کنٹرولنگ اتھارٹی اس بات کا فیصلہ کرے گی کہ استعفیٰ منظور کیا جائے یا ان کے خلاف مزید کارروائی عمل میں لائی جائے۔
