سندھ کے تعلیمی اداروں کے طلباء نے پنوں عاقل گیرپژن کا دورہ کیا ہے۔
پنوں عاقل گیریژن میں مختلف تعلیمی اداروں کے طلباء نے پاک فوج کے ساتھ خوش گوار دن گزارا،پاک آرمی کے ساتھ دن گزارنے کا مقصد پاکستان آرمی کی ملک کے لئے خدمات سے آگاہی حاصل کرنا تھا۔
لاڑکانہ ڈیویژن سے سندھ یونیورسٹی،شیخ ایاز یونیورسٹی،شہید محترمہ بینظیر بھٹو یونیورسٹی،قائداعظم یونیورسٹی آف سائنس اینڈ ٹیکنالوجی، شاہ عبد الطیف کالج اورگورنمنٹ ڈگری کالج کشمور اورجیکب آباد کےطلباء اورطالبات نے شرکت کی۔
ڈویژن سکھر سے آئی بی اے یونیورسٹی، شاہ عبداللطیف بھٹائی یونیورسٹی گھوٹکی، بیگم نصرت بھٹو یونیورسٹی سکھر،شاہ عبد اللطیف یونیورسٹی خیرپور اورشہید محترمہ بینظیربھٹو یونیورسٹی نوشیروفیروز کے طلباء اورطالبات نے بھی شرکت کی۔
پنوں عاقل گیریژن دورے میں 650 طالب علموں نے شرکت کی جن میں 450 طلباء اور 200 طالبات شامل تھیں۔
طلباءکھیلوں،گھڑسواری اورمعلوماتی سرگرمیوں میں مصروف رہے،پاک فوج کے زیر اہتمام طلباء اورطالبات کیلئے روایتی میوزک کا پروگرام بھی منعقد کیا گیا
طلباء و طالبات نے پاک فوج کی ملک کے لئے خدمات کو بے حد سراہا۔
