پی ٹی اے نے بجلی کی طویل لوڈشیڈنگ اور مہنگی پیٹرولیم مصنوعات کی وجہ سے ٹیلی کام سروسز میں تعطل کیلئے سفارشات تیار کرلیں۔
ملک میں بجلی کی طویل لوڈشیڈنگ اورمہنگی پیٹرولیم مصنوعات کےباعث ٹیلی کام سروسز میں تعطل کا معاملہ سنگین صورت اختیار کر گیا،پی ٹی اے نے وزارت آئی ٹی سمیت اسٹیک ہولڈرزکو اہم سفارشات پیش کردیں۔
پی ٹی اے نے ٹیلی کام انفرااسٹرکچرکو لوڈشیڈنگ سےاستثنیٰ دینے کرنےکی سفارش کی،موقف اختیارکیا کہ طویل لوڈشیڈنگ کےدوران صرف بیک اپ سسٹمز پر انحصارممکن نہیں،ٹیلی کام انفرااسٹرکچر کے ڈیزل اور دیگر بیک اپ ذرائع جلد ختم ہو جاتے ہیں۔
بہترٹیلی کام سروسز کیلئےصنعتی سطح پرہم آہنگی اورحکومتی تعاون ضروری ہے،ڈسٹری بیوشن کمپنیوں کےذریعے ایکسپریس فیڈرزکی فراہمی یقینی بنائی جائے،بجلی کمپنیوں کواہم سائٹس کیلئے ترجیحی بنیادوں پر بلاتعطل بجلی فراہم کرنے کی درخواست ہے۔
