وزیراعظم شہباز شریف سے وزیر داخلہ محسن نقوی نے ملاقات کی ہے ہے جس دوران وزیر داخلہ نے پی ایس ایل فائنل کی سیکیورٹی اور دیگر انتظامات سے آگاہ کیا ۔
ملاقات میں وزیراعظم شہبازشریف نے فائنل میچ کیلیےکھلاڑیوں ، شائقین اورشہریوں کے لیے بہترین انتظامات کرنے کی ہدایت کی ، وزیرداخلہ محسن نقوی نے وزیراعظم کوملک میں سیکیورٹی صورتحال اورامن و امان کے اقدامات سےآگاہ کیا۔ وزیر داخلہ نےپی ایس ایل فائنل کی سیکیورٹی اوردیگر انتظامات بھی آگاہ کیا۔
دوسری جانب پی ایس ایل فائنل کیلئے میچ آفیشلز کا اعلان بھی کر دیا گیاہے۔ احسن رضا، آصف یعقوب، کرسٹوفرگیفینی، ایلکس واہارف فیلڈ امپائر ہونگے، روشن ماہنامہ فائنل میں میچ ریفری کے فرائض انجام دیں گے۔
یاد رہے کہ پاکستان سپر لیگ کا فائنل میچ کل لاہور کے قذافی سٹیڈیم میں حیدرآباد کنگزمین اور پشاور زلمی کے درمیان کھیلا جائے گا، اس موقع پر قذافی سٹیڈیم کے اطراف سخت سیکیورٹی کے انتظامات کیئے جائیں گے۔
