چیئرمین نیب لیفٹیننٹ جنرل ریٹائرڈ نذیر احمدکی مدت ملازمت میں توسیع کےخلاف قانونی نوٹس جاری کر دیا گیا،قانونی نوٹس صدر،وزیراعظم اوروفاقی وزیر قانون کوبھجوایاگیا،قانونی نوٹس قانون دان اظہر صدیق کی جانب سے بھجوایاگیاہے۔
مراسلے کےمتن میں کہاگیاکہ چیئرمین نیب لیفٹیننٹ جنرل ریٹائرڈ نذیراحمد کی مدت ملازمت میں توسیع غیرقانونی اورغیرآئینی ہےتوسیع کا فیصلہ شفافیت اور میرٹ کے برعکس ہے۔
چیئرمین نیب کی توسیع سپریم کورٹ کے طے کردہ 'فٹ اینڈ پراپر پرسن'معیار کی خلاف ورزی ہے۔حکام توسیع کےلیےقانونی جواز اورمیرٹ سے متعلق مواد فراہم کرنے میں ناکام رہے۔توسیع کا فیصلہ آئین کے آرٹیکل چار،نو اور انیس اے کے تحت حاصل بنیادی حقوق کی سنگین خلاف ورزی ہے۔عوامی عہدوں پر تعیناتیاں ایگزیکٹو کی پسند ناپسند کے بجائے قانون کے مطابق ہونی چاہئیں۔
چیئرمین نیب کی مدت میں اضافہ انسداد بدعنوانی سےمتعلق اقوام متحدہ کے کنونشن کے بھی خلاف ہے۔5 مارچ 2026 کوتوسیع کےحوالے سےجاری ہونےوالےنوٹیفکیشن کو فوری واپس لیاجائے،مطالبات پورے نہ ہونے کی صورت میں توسیع کے خلاف اعلیٰ عدالتوں سے رجوع کیا جائے گا۔
