پاکستان سپر لیگ کے سیزن 9 کیلئے دنیا ئے کرکٹ کے ایک اور معروف کھلاڑی نے بیگ پیک کر لیاہے ۔
تفصیلات کے مطابق نیوزی لینڈ کے اوپننگ بیٹسمین ’’ کولن منرو‘‘ نے پی ایس ایل کے ساتھ معاہدہ کر لیاہے ، 13 دسمبر کو ہونے والی ڈرافٹنگ میں کھلاڑی ٹیموں کے انتخاب کیلئے دستیاب ہوں گے۔
نیوزی لینڈ کے اوپننگ بیٹسمین کی پی ایس ایل سیزن 9 میں شمولیت کی تصدیق پاکستان سپر لیگ کی جانب سے آفیشل پیج پر کی گئی ۔
یاد رہے کہ اس سے قبل جنوبی افریقہ کے بیٹسمین ریلی روسوو کی جانب سے بھی پی ایس ایل میں شرکت کا اعلان کیا جا چکاہے جو کہ کوئٹہ گلیڈی ایٹرزمیں افتخار احمد کا متبادل ہوں گے۔
