محکمہ صحت پنجاب نے سماء ٹی وی کی خبر پر نوٹس لیتے ہوئے میڈیکل کالجز میں داخلے کیلئے میرٹ کم کرنے کی مخالفت کردی اور پی ایم ڈی سی کو مراسلہ جاری کر دیاہے جس میں داخلے نہ ہونے کی وجہ زیادہ فیسیں قرار دی گئی ہے ۔
مراسلے کے متن کے مطابق صوبائی داخلہ کمیٹی نے آج اجلاس میں میرٹ کی کمی پرغورکیا،پی ایم ڈی سی نے خالی نشستوں پر ایم بی بی ایس کا میرٹ 55 سے کم کر کے 52 فیصد مقرر کیا، تعلیمی معیار کو برقرار رکھنے کیلئے میرٹ میں کمی درست نہیں،پنجاب میں47,721 امیدوار ای ڈی کیٹ میں شریک ہوئے، 39,648 امیدوار 55 فیصد 42 ہزار 50 فیصد میرٹ پر پورا اترے، 7987 امیدواروں نے داخلے کے لیے درخواست دی، اہل امیدواروں کی بڑی تعداد اب بھی موجود ہے۔
