لاہور کے علاقے قلعہ گجر سنگھ میں ڈیوٹی پر تعینات لیڈی پولیس کانسٹیبل مبینہ طور پر اغوا ہو گئی، پولیس نے مقدمہ درج کرکے تلاش شروع کر دی۔
ایف آئی آر کے مطابق کانسٹیبل عائشہ گھر سے ڈیوٹی کے لیے نکلی تھیں لیکن اپنے ڈیوٹی پوائنٹ پولیس لائنز قلعہ گجر سنگھ نہ پہنچ سکیں۔ عائشہ کی ڈیوٹی رات 11 بجے سے صبح 7 بجے تک مقرر تھی۔
پولیس کا کہنا ہے کہ واقعے کی اطلاع ملتے ہی مختلف ٹیمیں تشکیل دے دی گئی ہیں اور تلاش جاری ہے۔
عائشہ کے اغوا کا مقدمہ ان کے والد کی مدعیت میں درج کر لیا گیا ہے، جبکہ واقعے کی مزید تفتیش جاری ہے۔
