قومی کرکٹر احمد شہزاد نے ابو ظہبی ٹی ٹین کا رواں سیزن کھیلنے سے انکار کردیا ہے۔
ٹی ٹین معاہدے کے حوالے سے اپنے بیان میں احمد شہزاد کا کہنا تھا کہ میں نے ابوظہبی ٹی ٹین کا سیزن کھیلنے سے انکار کردیا ہے جس کی وجہ یہ ہے کہ میری ڈومیسٹک ٹیم لاہور وائٹس کے لئے میری خدمات مکمل نہیں ہوسکیں۔
احمد شہزاد کا کہنا تھا کہ میں سب سے پہلے پاکستان میں ڈومیسٹک کرکٹ کھیلنا چاہتا ہوں اور میرے لئے سب سے پہلے پاکستان ہے اسی کے لیے کھیلنا چاہتا ہوں، میں مستقبل میں بھی لیگوں کی بجائے پاکستان کرکٹ کو ترجیح دوں گا۔
ٹی 10 لیگ، محمد عامر کی باؤلنگ فنگر پر چوٹ لگ گئی
ان کا کہنا تھا کہ پاکستان کرکٹ بورڈ ( پی سی بی ) پی سی بی کا شکریہ ادا کرنا چاہتا ہوں جنہوں نے مجھے ٹی ٹین کا این او سی دیا لیکن میں پاکستان کی ڈومیسٹک کرکٹ کو عزت دینا چاہتا ہوں اور نوجوانوں کے لئے مثال قائم کرنا چاہتا ہوں۔
انہوں نے مزید کہا کہ میں بنگلہ ٹائیگرز کی ٹیم کا بھی شکریہ ادا کرنا چاہتا ہوں جنہوں نے ٹی ٹین میں اچھی آفر دی۔
