پنجاب کے مختلف شہروں میں زلزلے کے شدید جھٹکے محسوس کیئے گئے ہیں جس کے بعد پی ڈی ایم اے نے صوبہ بھر میں الرٹ جاری کر دیا۔
اسلام آباد، راولپنڈی، لاہور اور جہلم سمیت کئی علاقوں میں زمین لرزنے سے شہریوں میں خوف و ہراس پھیل گیا۔ پی ڈی ایم اے کی جانب سے تمام ضلعی انتظامیہ کو نقصانات کا جائزہ لینے کی ہدایت کر دی گئی۔ زلزلہ پیما مرکز کے مطابق ریکٹر اسکیل پر شدت پانچ اعشاریہ تین ریکارڈ کی گئی ہے۔
ابتدائی اطلاعات کے مطابق تاحال کسی جانی یا مالی نقصان کی اطلاع موصول نہیں ہوئی، تاہم ریسکیو ون ون ٹو ٹو اور دیگر امدادی اداروں کو کسی بھی ہنگامی صورتحال سے نمٹنے کے لیے تیار رہنے کی ہدایت کی گئی ہے۔ ماہرین کی جانب سے آفٹر شاکس کے خدشے کے پیش نظر پی ڈی ایم اے نے شہریوں کو محتاط رہنے کی اپیل کی ہے اور ہدایت کی ہے کہ زلزلے کی صورت میں بجلی کے کھمبوں اور بوسیدہ عمارتوں سے دور رہیں۔
