وزیراعظم کے کوآرڈینیٹر خیبر پختونخوا اختیار ولی خان نے پریس کانفرنس سے خطاب کرتے ہوئے کہا کہ دنیا بھرمیں پٹرولیم مصنوعات کی قیمتوں میں اضافہ ہوا ہے،جہاں سے تیل آتا ہے وہاں آگ لگی ہوئی ہے،اس کے باوجود وزیراعظم غریب طبقے کو سبسڈی دے رہے ہیں،وزیراعظم نے اسلام آبادمیں ٹرانسپورٹ کو فری کر دیا ہے،ریلوے کے کرایوں میں اضافے کو بھی روک دیا گیاہے، وزیراعظم عوام کو ریلیف فراہم کرنے کی ہرممکن کوشش کر رہے ہیں۔
تفصیلات کے مطابق اختیارولی خان کا کہناتھا کہ تیمور جھگڑا نے خیبر پختونخوا کے خزانےکو تباہ کر کے رکھ دیا ہے،،ان کے پاس جوتوں اور ٹوپیوں پر 'قیدی نمبر 804' لکھنے کے علاوہ کچھ نہیں،وزیراعلیٰ سے سوال ہےکہ وہ 1300 کروڑ روپے کہاں گئے؟،وزیراعلیٰ خیبرپختونخوا نے رمضان پیکج وزیروں اور مشیروں میں تقسیم کر دیا،تحریک انصاف کے پاس گندی سیاست کے علاوہ کوئی ایجنڈا نہیں ہے،یہ لوگ بتائیں کہ وہ 34 یونیورسٹیاں کہاں بنیں جن کا وعدہ کیا گیا تھا؟،عوام مطمئن رہیں، آپ لوگوں کے وزیر اعظم غافل نہیں ہیں،اب وقت قومی یکجہتی کا ہے،لوگوں کو پروپیگنڈے سے دور رہنا چاہیے۔
