اسلام آباد کے نجی تعلیمی اداروں میں تدریسی سرگرمیوں کی بحالی کا فیصلہ کر لیا گیا، تمام نجی اسکولز اور کالجز بدھ ، یکم اپریل سے دوبارہ کھول دیئے جائیں گے ۔
پی ای آئی آر اے کی جانب سے جاری کئے گئے نوٹیفکیشن میں کہا گیا ہے کہ موسم بہار کی چھٹیوں کے اختتام کے بعد تعلیمی سرگرمیاں معمول کے مطابق بحال کی جا رہی ہیں ۔ طلبا کے لئے فزیکل کلاسز کا یکم اپریل سے باقاعدہ آغاز ہو گا۔ اس سے نہ صرف تعلیمی نظام میں تسلسل برقرار رہےگا بلکہ طلبا کو اپنی تعلیمی سرگرمیوں میں دوبارہ بھرپور انداز میں حصہ لینے کا موقع بھی ملے گا ۔ پی ای آئی آر اے نے تمام نجی تعلیمی اداروں کو واضح ہدایات جاری کی ہیں کہ وہ نوٹیفکیشن پر مکمل عملدرآمد یقینی بنائیں اور کسی بھی قسم کی غفلت سے گریز کریں ۔
