لاہور قلندرز نے 28 مارچ کو پیش آنے والے واقعہ کا نوٹس لیتے ہوئے شاہین آفریدی پر 10 لاکھ روپے جرمانہ کر دیا۔
لاہور قلندرز کے مطابق سیکورٹی پروٹوکول کی خلاف ورزی کی جامع تحقیقات کی گئیں ،جائزے سے پتہ چلا کہ ٹیم ہوٹل میں غیرمعمولی واقعہ پیش آیا،واقعہ کو عوامی سطح پر بڑھا چڑھا کر پیش کیا گیا۔
لاہورقلندرز نے فیصلے سے پاکستان کرکٹ بورڈ کو آگاہ کر دیا ہے اور کہا کہ فرنچائز سیکیورٹی اہلکاروں کی کاوشوں کو سراہتی ہے ،فرنچائز نے سیکورٹی اہلکاروں کے کردار کو تسلیم کیا، معاملہ کسی دانستہ خلاف ورزی کے بجائے غلط فہمی کا نتیجہ تھا،آئندہ ایسے حالات سے بچنے کے لیے طریقہ کارکی واضح ترسیل ضروری ہے۔
