کراچی کےمختلف علاقوں میں پیش آنے والے ٹریفک حادثات میں کمسن بچے سمیت چار افراد جاں بحق جبکہ ایک شخص زخمی ہوگیا۔
ریسکیو حکام کےمطابق منگھو پیرخیرآباد بلال مسجد کےقریب مسافربس کی ٹکر سے تین برس کا راہگیر بچہ عبدالوحیدجاں بحق ہوا،واقعے کے بعد ڈرائیور موقع سےفرارہوگیاجس کی تلاش جاری ہے،جاں بحق بچے کی لاش کو عباسی شہید اسپتال منتقل کیا گیا ہے۔
گلشن چورنگی کے قریب ایک اورحادثےمیں تیز رفتار گاڑی کی ٹکر سے ایک نامعلوم شخص جان کی بازی ہار گیا،متوفی کی شناخت نا ہوسکی،کورنگی کے علاقے بلال چورنگی کے قریب تیز رفتارموٹرسائیکل بےقابو ہوکر پول سے ٹکرا گئی جس کے نتیجےمیں ایک شخص جاں بحق جبکہ دوسرا شدید زخمی ہوا۔
سپر ہائی وے پر سدا بہار ہوٹل کے قریب پیش آنے والےحادثےمیں تیز رفتارگاڑی کی ٹکر سے ایک خاتون جاں بحق ہوگئیں،ریسکیو حکام کے مطابق حادثہ کراچی سے حیدرآباد جانے والی شاہراہ پر پیش آیا۔
