چین نے پاکستان اور افغانستان کے درمیان عارضی جنگ بندی کا خیرمقدم کیا ہے۔
ترجمان چینی وزارت خارجہ کے مطابق پاکستان اور افغانستان کے درمیان عارضی جنگ بندی خوش آئند ہے، امید کرتے ہیں دونوں ملک پرسکون رہیں گے۔
واضح رہے کہ گزشتہ روز وزیر اطلاعات عطاللہ تارڑ نے کہاہے کہ عیدالفطر کے احترام اور برادر اسلامی ممالک کی درخواست پر آپریشن غضب اللحق عارضی طور پر روک دیا گیاہے۔
عطاللہ تارڑ کا کہناتھا کہ سعودی عرب،قطر اور ترکیہ کی درخواست پر آپریشن غضب للحق کو روکا گیا ہے،18اور 19کی درمیانی شب سے23، 24مارچ کی درمیانی شب تک جنگ بندی رہے گی،پاکستان کافیصلہ نیک نیتی پر مبنی ہے،سرحدپار سے پاکستان کے خلاف کوئی کارروائی ہوئی تو آپریشن پوری قوت سے دوبارہ شروع ہوگا۔
