پاکستان میں تعینات ایران کے سفیر رضا امیری مقدم نے نائب وزیراعظم و وزیر خارجہ اسحاق ڈار سے ملاقات کی، جس میں ایرانی سفیر نے مشکل وقت میں پاکستان کے عوام کی جانب سے ملنے والی بھرپور اخلاقی حمایت پر شکریہ ادا کیا۔
ترجمان دفترخارجہ کے مطابق اس موقع پر اسحاق ڈار نے حالیہ تنازع میں قیمتی جانوں کے ضیاع پر گہرے دکھ اور افسوس کا اظہار کیا اور جلد پرامن حل کی امید ظاہر کی۔
انہوں نے اس بات پر زور دیا کہ مسائل کے حل اور خطے میں پائیدار امن و استحکام کے لیے مذاکرات اور سفارتکاری ہی واحد مؤثر راستہ ہیں۔






















