پشاور کے نرسنگ کالجز اور پیرامیڈیکل اداروں میں عیدالفطر کے موقع پر اسپرنگ بریک کا اعلان ہوگیا۔
اعلامیے کے مطابق اسپرنگ بریک 19 مارچ 2026 سے 29 مارچ 2026 تک ہوگی، تمام نرسنگ کالجز، پبلک ہیلتھ سکولز اور پیرامیڈیکل اداروں پر اطلاق ہوگا۔ امتحانات اور کلینیکل ڈیوٹیز شیڈول کے مطابق جاری رہیں گی۔ تدریسی اور غیر تدریسی عملہ معمول کے مطابق اپنی سرکاری ڈیوٹیاں انجام دے گا۔
خیال رہے کہ کابینہ ڈویژن نے پہلے ہی 4 روزہ ورکنگ ویک پالیسی کا نوٹیفکیشن جاری کر دیاہے ،جس کے مطابق ہفتے میں سرکاری دفاتر پیر ، منگل ، بدھ اور جمعرات کو کھلیں گے، جمعہ ہفتہ اور اتوار کو دفاتر میں چھٹی ہو گی۔
دوسری جانب محکمہ موسمیات نے پاکستان میں عیدالفطر کے چاند سے متعلق پیشگوئی جاری کر دی ہے جس کے مطابق عیدالفطر 21 مارچ 2026 بروز ہفتہ ہونے کا امکان ہے۔
کابینہ ڈویژن نے2026میں عام تعطیلات، اختیاری چھٹیوں کا نوٹیفکیشن جاری کر دیا ہے۔ جس کے تحت 21،22 اور 23 مارچ 2026 عید الفطر کی 3 چھٹیاں ہوں گی۔
