دی100 لیگ میں پاکستانی پلیئرز کو نظرانداز کرنے پر انگلش کرکٹر معین علی کا سخت ردعمل آگیا۔
ٹیلی گراف کو انٹرویو میں معین علی نے کہا کہ امتیازی سلوک برطانیہ میں برداشت نہیں کیا جاسکتا۔ کھلاڑی خاموش نہیں رہیں گے۔ متحد ہوکر آواز اٹھائیں گے۔
معین علی کا کہنا تھا کہ بھارتی مالکان کی ٹیموں میں پاکستانی کرکٹرز کو شامل نہ کرنا اصولوں کے خلاف ہوگا۔ انگلینڈ اینڈ ویلز کرکٹ بورڈ سے نوٹس لینے کا مطالبہ بھی کردیا۔
دی ہنڈریڈ لیگ میں 8 میں 4 ٹیموں کا تعلق بھارت سے ہے، دی ہنڈریڈ کیلئے کھلاڑیوں کی نیلامی 11 اور 12 مارچ کو ہوگی۔
