امریکی صدر ڈونلڈ ٹرمپ کو اعلیٰ قومی سلامتی حکام نے آگاہ کیا ہے کہ امریکی فوج سنیچر تک ایران پر ممکنہ حملے کے لیے تیار ہے تاہم حملے سے متعلق کوئی حتمی فیصلہ نہیں کیا ہے۔
امریکی میڈیا کے مطابق امریکی فوج اس ہفتے کے آخر تک ایران پر حملہ کرسکتی ہے ۔ صدر ٹرمپ نے ممکنہ حملے نیشنل سیکورٹی ٹیم سے مشاورت کی ہے۔ اس کارروائی پر غور و فکر میں کافی وقت صرف کیا جارہا ہے، ساتھ ہی مختلف عسکری اور سیاسی پہلوؤں کا جائزہ بھی لیا جارہا ہے۔
امریکی میڈیا کے مطابق فوجی اہلکار اپنی تیاریاں مکمل کر چکے ہیں۔ایران پر ممکنہ امریکی حملے کے خدشے کے پیش نظر اسرائیل میں سکیورٹی کو ہائی الرٹ کر دیا گیا جبکہ شہریوں کو بنکرز کے قریب رہنے کی ہدایت کی گئی ہے۔
رپورٹ کے مطابق صدر ٹرمپ نے ابھی تک ایران پر حملے کا حتمی فیصلہ نہیں کیا جبکہ وائٹ ہاؤس میں اس معاملے پر مسلسل مشاورت جاری ہے، جہاں اس اقدام سے منسلک خطرات، ممکنہ ردعمل اور حملے کے سیاسی و عسکری نتائج پر غور کیا جا رہا ہے۔
