وزیر اطلاعات عطاتارڑ نے ایکس پر پیغام جاری کرتے ہوئے کہاہے کہ بانی پی ٹی آئی کی آنکھ کا معائنہ خصوصی طبی ادارے میں ماہرینِ امراضِ چشم کریں گے۔
تفصیلات کے مطابق عطا تارڑ کا کہناتھا کہ اِس کی تفصیلی رپورٹ بھی سپریم کورٹ میں جمع کرائی جائے گی،معاملے پر قیاس آرائیوں اور سیاسی رنگ دینے کی کوششوں سے گریز کیا جائے۔
عطا تارڑ کے ایکس پر پیغام پر بیرسٹر گوہر نے رد عمل جاری کرتے ہوئے کہا کہ حکومت کی طرف سے ہمیں مثبت اشارہ ملا ہے،ہمیں امید ہے کہ ہمارے مطالبے پر جلد عمل ہوجائےگا،ہمارے مطالبے میں بانی کا متعلقہ اسپتال شفٹ کرنا اور ماہر ڈاکٹرز سے معائنہ کرانا تھا۔
انہوں نے کہا کہ امید ہے کہ اسی دوران ہمارا نمائندہ بھی شامل ہوگا،ہمیں یہ بھی امید ہے کہ حکومت اس مرتبہ سنجیدگی کا مظاہرہ کرے گی،بروقت اور درست علاج بانی پی ٹی آئی کا بنیادی حق ہے،امید ہے اب بانی پی ٹی آئی کی صحت کے معاملے میں تاخیر نہیں ہوگی ۔
