انسداد دہشتگردی ڈیپارٹمنٹ ( سی ٹی ڈی ) نے کراچی میں ایک کارروائی کے دوران شام سے تربیت حاصل کر کے آنے والے دو ملزمان کو گرفتار کر لیا۔
سی ٹی ڈی کراچی کے انچارج خرم وارث نے بتایا کہ ضلع جنوبی میں کامیاب کارروائی کے دوران 2 ملزمان کو گرفتار کیا گیا ہے جن کی شناخت رضا احمد اور خرم علی کے نام سے ہوئی ہے۔
انچارج خرم وارث نے بتایا کہ گرفتار ملزمان شام سے دہشتگردی کی تربیت حاصل کر کے آئے تھے اور یہاں ٹارگٹ کلنگ میں ملوث ہیں جبکہ اہم شخصیات کی ریکی کرچکے تھے۔
خرم وارث نے بتایا کہ ملزمان کے نشانے پر کچھ غیرملکی افراد بھی تھے۔
انہوں نے بتایا کہ ملزم رضا احمد سابق پولیس اہلکار ہے جو 1994 میں برطرف ہوا تھا۔
ان کا مزید کہنا تھا کہ ملزمان کو قتل کی وارداتوں کے عوض بھاری رقم ملتی تھی۔
