قازقستان کے صدر پاکستان کے پہلے سرکاری دورے پر کل اسلام آباد پہنچیں گے، قاسم جومارت توقایف وزیراعظم شہبازشریف کی دعوت پر پاکستان آرہے ہیں۔
ترجمان دفتر خارجہ کے مطابق صدر قازقستان کے ساتھ سینئر وزراء اور سرکاری حکام پر مشتمل اعلیٰ سطح کا وفد بھی ہوگا، مہمان وفد کی صدر مملکت آصف علی زرداری ، اور وزیراعظم شہباز شریف سے اہم ملاقاتیں ہوں گی۔
صدر قازقستان قاسم جومارت توقایف پاکستان قازقستان بزنس فورم سے بھی خطاب کریں گے، ترجمان دفتر خارجہ کا کہنا ہے صدر قازقستان کا یہ دورہ دوطرفہ تعلقات کے جائزے اور تعاون کے نئے امکانات پر غور میں معاون ہوگا۔
تجارت، لاجسٹکس، علاقائی و عوامی روابط کے فروغ کے امکانات تلاش کرنے میں مدد ملے گی، قازقستان کے صدر کا دورہ خطے میں امن و ترقی کے مشترکہ وژن کی عکاسی بھی کرتا ہے۔
