وزیر اعظم شہباز شریف اور ایرانی صدر کا ٹیلی فونک رابطہ ہوا ہے۔ جس میں خطے میں امن، سلامتی اور ترقی کے فروغ کے لیے پائیدار مذاکرات اور مؤثر سفارتی رابطوں پر زور دیا گیا۔ دونوں رہنماؤں نے دوطرفہ تعاون کو مزید مضبوط بنانے پر اتفاق کیا۔
وزیراعظم محمد شہباز شریف نے اسلامی جمہوریہ ایران کے صدر ڈاکٹر مسعود پیزشکیان سے ٹیلی فون پر گفتگو کی، دونوں رہنماؤں نے خطے کی بدلتی ہوئی صورتحال پر تبادلہ خیال کیا۔وزیراعظم شہباز شریف نے خطے میں امن، سلامتی اور ترقی کے فروغ کے لیے پائیدار مذاکرات اور مؤثر سفارتی رابطوں کی اہمیت پر زور دیا۔
گفتگو کے دوران پاکستان اور ایران کے درمیان مشترکہ تاریخ، ثقافت اور عقیدے پر مبنی قریبی اور برادرانہ تعلقات کو اجاگر کیا گیا۔دونوں رہنماؤں نے دوطرفہ تعلقات کے دائرہ کار میں تعاون کو مزید مضبوط بنانے پر اتفاق کیا۔
پاکستان اور ایران کے درمیان اعلیٰ سطحی روابط اور مشاورت کو دو طرفہ ادارہ جاتی میکانزم کے ذریعے برقرار رکھنے کے عزم کا بھی اعادہ کیا گیا۔
