لاہورہائیکورٹ میں نجی ہوٹل میں آتشزدگی کے واقعے کی تحقیقات کے لیے درخواست دائر کر دی گئی، درخواست جوڈیشل ایکٹیوزم پینل کی جانب سے جمع کرائی گئی۔
درخواست میں پنجاب حکومت،ریسکیو اداروں سمیت دیگرمتعلقہ محکموں کوفریق بنایاگیا ہے،درخواست گزار نےمؤقف اختیارکیا ہےکہ لاہور میں نجی ہوٹل میں پیش آنے والے آتشزدگی کے واقعے کی شفاف تحقیقات کرائی جائیں۔
درخواست میں استدعا کی گئی ہےکہ لاہورہائیکورٹ کے جج پر مشتمل ایک کمیشن تشکیل دیا جائے جو اس واقعے کی مکمل تحقیقات کرے اور ذمہ داروں کا تعین کیا جائے۔
مزید یہ بھی استدعا کی گئی ہےکہ پنجاب بھر میں 90 دن کے اندر تمام عمارتوں کا بلڈنگ سیفٹی آڈٹ کرانے کا حکم دیا جائے تاکہ آئندہ ایسے افسوسناک واقعات سے بچا جا سکے۔
درخواست میں عدالت سے شہریوں کے جان و مال کے تحفظ کے لیے مؤثر اقدامات کرنے کی بھی اپیل کی گئی ہے۔
