جوڈیشل کمیشن نے سندھ ہائیکورٹ کے 10 ایڈیشنل ججز کو مستقل کردیا جبکہ دو ججز کو 6 ماہ کی توسیع دے دی۔
چیف جسٹس یحییٰ آفریدی نے جوڈیشل کمیشن اجلاس کی صدارت کی، اجلاس میں جسٹس میراں محمد، جسٹس تسلیم سلطانہ اور جسٹس ریاضت، جسٹس محمد حسن اکبر اور جسٹس عبدالحامد بھرگڑی ، جسٹس جان علی جونیجو، جسٹس ناصر احمد بھنھبرو، جسٹس علی حیدر ادا، جسٹس عثمان علی اور جسٹس جعفر رضا کی مستقلی پر اتفاق کیا گیا۔
جوڈیشل کمیشن نے سندھ ہائیکورٹ کے 2ایڈیشنل ججز کو 6 ماہ کی توسیع دے گئی، جسٹس خالد حسین شاہانی اورجسٹس سید فیاض الحسن شاہ شامل ہیں۔
سندھ ہائیکورٹ کے آئینی بینچ میں مزید 3 جج بھی شامل کرنے کی منظوری دے دی گئی۔ جسٹس محمد حسن، جسٹس عثمان اور جسٹس امجد علی آئینی بینچ کا حصہ بن گئے۔
