ترک صدر رجب طیب اردوان نے مشرق وسطیٰ میں کشیدگی کے پیش نظر امریکی، یورپی اور مشرق وسطیٰ کے رہنماوں کے ساتھ سفارتی رابطے کیئے جس دوران رہنماؤں سے خطے کی صورتحال پر تبادلہ خیال کیا گیا ۔
ترک میڈیا کے مطابق ترک صدر نے صدر ٹرمپ سے ایران کی صورتحال پر بات کی اور ایران کے ساتھ مسائل کو جنگ کے بجائے مذاکرات کے ذریعے حل کرنے پر زور دیا۔
ترک صدر نے سعودی ولی عہد محمد بن سلمان سے بھی بات چیت کی اور کہا کہ خطے میں بڑھتی ہوئی کشیدگی سے تمام ممالک شدید متاثر ہونگے، کشیدگی میں کمی کیلئے سنجیدہ مداخلت کرنی ہوگی، ترکیہ اور سعودی عرب نے سفارتی عمل تیز کرنے پر اتفاق کیا۔
ترک میڈیا کا کہناتھا کہ صدر اردوان نے قطری امیرسے ایرانی حملوں پر یکجہتی کا اظہار کیا، متحدہ عرب امارات کے صدر اور ولی عہد سے بھی ترک صدر نے بات کی، صدر اردوان نے یورپی کمیشن کی صدر، اور کویتی امیر سے بھی گفتگو کی۔
