محکمہ موسمیات نے سردی کی شدت میں اضافے کی پیشگوئی کردی۔
ڈپٹی ڈائریکٹر میٹ انجم نذیر کا کہنا ہے کہ کراچی میں ہفتے اور اتوار کو سردی کی شدت میں مزید اضافہ ہوگا۔ کوئٹہ میں درجہ حرارت منفی ہوا جس کا اثرکراچی میں بھی ہوا۔
انجم نذیر نے کہا کہ کوئٹہ کی ہواوں کے باعث کراچی کے درجہ حرارت میں دو ڈگری سینٹی گریڈ کمی ہوئی۔ آنےوالےدنوں میں درجہ حرارت 10ڈگری سینٹی گریڈتک جانےکاامکان ہے، ہفتہ یا اتوارتک کراچی کا درجہ حرارت سنگل ڈیجیٹ تک آجائے گا۔
دوسری جانب اسلام آباد اور گردونواح میں موسم سرد اور خشک رہنے کا امکان ہے، خیبر پختونخوا کے پہاڑی علاقوں میں موسم شدید سرد رہنے کا امکان ہے جبکہ بلوچستان کے شمالی اضلاع میں شدید سردی رہنے کی توقع ہے۔
