امریکی صدر ڈونلڈ ٹرمپ کا کہنا ہے کہ ہم ہمیشہ نیٹو کے ساتھ رہیں گے، چاہے وہ ہمارے لیے موجود نہ ہوں، شبہ ہے کہ ضرورت پڑنے پر نیٹو ہمارے ساتھ کھڑا ہوگا یا نہیں۔
امریکی صدر نے سوشل میڈیا پر ایک بیان میں کہا کہ چین اور روس صرف امریکا سے ڈرتے اور اس کی عزت کرتے ہیں، ہم ہمیشہ نیٹو کے ساتھ رہیں گے، چاہے وہ ہمارے لیے موجود نہ ہوں، مجھے شک ہے اب نیٹو ضرورت پڑنے پر ہمارے ساتھ ہو۔
ڈونلڈ ٹرمپ نے کہا کہ زیادہ تر ممالک اپنی 2 فیصد جی ڈی پی کی ذمہ داری پوری نہیں کر رہے تھے اور امریکا سب کا بوجھ اٹھا رہا تھا۔ اپنی کوششوں سے میں نے بعض ممالک کو 5 فیصد تک ادائیگی کرنے پر مجبور کیا جو اس سے پہلے ناممکن سمجھا جا رہا تھا۔ اگر میں مداخلت نہ کرتا تو روس کے پاس پورا یوکرین ہوتا۔
انہوں نے مزید کہا کہ میں نے اکیلے 8 جنگیں ختم کرائیں اور لاکھوں جانیں بچائیں، اور یہ حقیقی کامیابی ہے۔ امریکا کو دوبارہ عظیم بنانا ہی ان کا بنیادی مقصد ہے، اور پہلی مدت میں امریکی فوج کو مضبوط بنانے کا سلسلہ جاری رکھا۔
