امریکی صدر ڈونلڈ ٹرمپ کا کہنا ہے کہ ہماری فوج دنیا کی طاقتور ترین فوج ہے، دنیا کی کوئی فوج ہمارا مقابلہ نہیں کرسکتی۔
وائٹ ہاؤس میں منعقدہ تقریب سے خطاب کرتے ہوئے امریکی صدر ڈونلڈ ٹرمپ کا کہنا تھا کہ کراکس میں ایک شاندار فوجی کارروائی کی گئی جبکہ کراکس آپریشن میں 152 طیاروں نے حصہ لیا۔
امریکی صدر نے کہا کہ آپریشن کے دوران وینزویلا کی بجلی بند ہوگئی اور لوگ پریشان ہوئے، کراکس میں کارروائی بہترین حکمت عملی کا نتیجہ تھی۔
ڈونلڈ ٹرمپ نے تصدیق کی کہ کراکس آپریشن میں کیوبا کے فوجی مارے گئے۔
انہوں نے کہا کہ ڈیمو کریٹ سینیٹر چک شومر اچھے انسان نہیں ہیں اور وہ وینزویلا کے صدر کی رہائی کا مطالبہ کر رہے ہیں۔
ان کا کہنا تھا کہ ایک سال میں ہماری حکومت نے بہت سے ریکارڈ قائم کئے اور میں اپنے آپ کو ایک کامیاب صدر تصور کرتا ہوں، میں نے سوئنگ اسٹیٹس میں کامیابی حاصل کی اور سب سے زیادہ پاپولر ووٹ لئے۔
ٹرمپ کا کہنا تھا کہ اب ہم مڈ ٹرم انتخابات میں تاریخ بنانے جا رہے ہیں اور ہماری پالیسی صحیح ہے جبکہ مخالفین کی خراب ہے۔
