سیف اللہ ابڑو کے خلاف آئین کے آرٹیکل 63 اے کے تحت پارٹی پالیسی سےانحراف کا ریفرنس چیئرمین سینیٹ کو ارسال کردیا گیا۔ سینیٹ میں پی ٹی آئی کے پارلیمانی لیڈر سینیٹرعلی ظفر کی جانب سے بھیجا گیا ہے۔
ریفرنس کے مطابق پارٹی ہدایت کے برخلاف ستائیسویں آئینی ترمیم پر ووٹ دینے پر سیف اللہ ابڑو کے خلاف کارروائی عمل میں لائی گئی۔ شو کاز نوٹس جاری کیے جانے کے باوجود سینیٹر سیف اللہ ابڑو نے کوئی جواب جمع نہیں کرایا۔
پی ٹی آئی کے مطابق سینیٹر سیف اللہ ابڑو کو صفائی کا بھرپور اور مکمل موقع فراہم کیا گیا۔ پارٹی پالیسی کی خلاف ورزی پر سینیٹر سیف اللہ ابڑو کو پارٹی سے منحرف قرار دے دیا گیا۔ پی ٹی آئی کا مؤقف ہے کہ سیف اللہ ابڑو کے خلاف آئین کے تحت لازم کارروائی مکمل شفافیت کے ساتھ کی گئی۔
