چیئرمین تحریک انصاف بیرسٹر گوہر نے جمہوریت کی بقا کے لیے ایک بار پھر مل بیٹھنے کی تجویز دے دی۔
تحریکِ تحفظِ آئینِ پاکستان کی دو روزہ قومی کانفرنس کا اختتام ہوگیا۔ مشترکہ اعلامیے کے مطابق چیئرمین تحریک انصاف بیرسٹرگوہر نے کانفرنس سے خطاب کرتے ہوئے جمہوریت کی بقا کے لیے ایک بار پھر مل بیٹھنے کی تجویز دے دی۔
بیرسٹر گوہر نے کہا کہ ملک میں آئین رہا نہ عدلیہ، جو ججز کھڑے ہوسکتے تھے وہ چلے گئے۔ اب لوگوں کو عدالتوں سے انصاف کی کوئی امید نہیں، ہم نے جو اہداف حاصل کرنے تھے 2 سال میں وہ حاصل نہیں کرسکے، ہم پھر بھی جمہوریت کو بچانے کی کوشش کررہے ہیں۔
