بھارت کی ہمسایہ ممالک کے داخلی معاملات میں مداخلت پر بنگلادیش کا سخت ردِعمل سامنے آگیا ۔ مودی سرکار کو کھلا چیلنج دیتے ہوئے بھارتی دباؤ اور بالادستی قبول کرنے سے صاف انکار کر دیا ۔ قاتلوں کی سرپرستی کرنے والے مودی کو مزید مداخلت برداشت نہ کرنے کا دوٹوک پیغام دیدیا گیا۔ ڈھاکہ یونیورسٹی کے طلبا نے مودی کا پتلا نذرِ آتش کر دیا ۔
نیشنل سٹیزن پارٹی کے چیف آرگنائزر اور بنگلا دیشی رہنما حسنات عبداللہ نے بھارت کا شمال مشرقی خطہ الگ کر دینے کی وارننگ دے دی ۔ حسنات عبداللہ کا کہنا تھا قاتلوں کو پناہ دینے والا مودی واضح طور پر جان لے کہ ہم بھارت کی شمال مشرقی سیون سسٹرز ریاستوں کو الگ کر دیں گے ۔
بھارت کے بنگلادیشی شہریوں کی سرحد پار ہلاکتوں میں ملوث ہونے کا انکشاف کرتے ہوئے حسنات عبداللہ نے کہا کہ بنگلادیش کی خودمختاری اور انسانی حقوق پامال ہوئے تو بنگلہ دیش سخت جواب دے گا۔ عدم استحکام مسلط کرنے کی صورت میں مزاحمت سرحد پار تک پھیلا دیں گے ۔
انہوں نے کہا کہ بھارت سامراجی ہتھکنڈوں، اطلاعاتی جنگ اور اقلیتی کارڈ استعمال کر کے خطہ میں انتشار پھیلا رہا ہے ۔ بھارت کی ہمسایہ ممالک میں مداخلت اور قاتلوں کی پشت پناہی نے خطے کو تصادم کے دہانے پر پہنچا دیا ہے۔ اب سفاک مودی کواپنی جارحانہ پالیسیوں کے سنگین نتائج بھگتنا پڑیں گے۔
