تاندلیانوالہ میں شوہر نے ساتھیوں کے ہمراہ گھر میں گھس کر فائرنگ کر کے بیوی اور سالی کو قتل کردیا۔
تاندلیانوالہ کے نواحی گاؤ ں میں بیوی کو شوہر سے ناراض ہوکر بہن کے گھر رہنا مہنگا پڑ گیا۔
ذرائع کے مطابق تاندلیانوالہ میں ملزم شہباز 4 مسلح ساتھیوں کے ہمراہ سالی کے گھر داخل ہوا اور اندھا دھند فائرنگ کر کے بیوی نسرین اور سالی پروین کو قتل کر دیا۔
نسرین اور شہباز میں کافی عرصے سے جھگڑے ہو رہے تھے، شہباز اکثر اپنی بیوی نسرین کے ساتھ مار پیٹ بھی کرتا تھا جس سے تنگ آکر نسرین اپنی بہن کے گھر آگئی تھی۔
شہباز نے اسے روکنے کی کوشش کی لیکن ناراض بیوی کو منانے کی بجائے شہباز اپنے 4 مسلح ساتھیوں کے ساتھ بیوی کی بہن کے گھر داخل ہوا ۔
ذرائع کے مطابق دونوں فریقین میں جھگڑا اس قدر بڑھ گیا کہ اس نے بیوی اورسالی پر فائرنگ شروع کر دی جس کے نتیجے میں شہباز نے بیوی نسرین اور سالی پروین کا قتل کر دیا۔
فائرنگ کے بعد ملزمان شہباز اور اس کے ساتھی موقع سے فرار ہو گئے۔ پولیس نے لاشوں کو پوسٹ مارٹم کے لئے ٹی ایچ کیو ہسپتال منتقل کر دیا ہے لیکن تاحال ملزمان کو پکڑنے میں ناکام ہے۔ٖیرینگ
