ملکی برآمدات بڑھانے کیلئے ٹیکسٹائل اینڈ نان ٹیکسٹائل ایکسپورٹ ایڈوائزری کونسلز تشکیل دے کر نوٹیفکیشن جاری کردیا گیا ۔
وزیرتجارت گوہراعجاز دونوں ایڈوائزری کونسلز کےسربراہ جبکہ سیکرٹری تجارت،خزانہ،چیئرمین ایف بی آر اور چیف سیکرٹریز دونوں کونسلز کے رکن ہونگے ۔
نوٹیفکیشن کے مطابق ٹیکسٹائل ایڈوائزی کونسل کے دیگر ارکان میں مصدق ذوالقرنین، فواد انور، شاہد صورتی،میاں احسن، یعقوب احمد،عامر فیاض اور شاہد عبداللہ شامل ہیں جبکہ دیگر ارکان بھی نوٹیفائی کردیئے گئے ۔
ان کے علاوہ نان ٹیکسٹائل ایڈوائزری کونسل میں شہزادملک، وحیداحمد، خلیل ستار ،ذوالفقارملک، سلمان حنیف،عدنان ہیرانی اورزبیر طفیل کو رکن مقرر کیا گیا ہے ۔
