پاکستان اور نیدرلینڈز کے درمیان اگلے سال ہونے والی ٹی ٹوینٹی سیریز ملتوی کردی گئی
نیدرلینڈز کرکٹ بورڈ نے ٹی ٹوئینٹی سیریز پاکستان ٹیم کی ورلڈکپ سے قبل شیڈولنگ کی وجہ سے ملتوی کی،پاکستان نے اگلے سال مئی میں 3 ٹی ٹوئینٹی میچز کی سیریز کھیلنے نیدرلینڈز جانا تھا۔
دوسری جانب پی سی بی ذرائع کا کہناہے کہ نیدرلینڈز کے خلاف ٹی ٹوئینٹی سیریز ری شیڈول کی جائے گی، نیدرلینڈز کے خلاف سیریز ابھی ملتوی نہیں ہوئی،پی سی بی نے ورلڈکپ سے قبل پاکستان ٹیم کے سخت شیڈول کے باعث نیدرلینڈز کرکٹ بورڈ کو سیریز ری شیڈول کرنے کی درخواست کی ہے ۔
یاد رہے کہ پاکستان کی دسمبر میں آسٹریلیا کے ساتھ ٹیسٹ سیریز شیڈول ہے جو کہ 14 دسمبر سے 7 جنوری 2024 تک کھیلی جائے گی اس کے بعد پاکستان نے نیوزی لینڈ کا بھی دورہ کرنا ہے ۔
